शत्रूचे मुंडके छाटाया सदैव तैयार
चमके शिवबाची तेजस्वी तलवार...॥धृ॥
जी... जी... रं... जी...
१६३० च्या साली, शिवनेरी गडावर
१९ फेब्रुवारी, या शुभ मुहूर्तावर
जन्मला एक पुत्ररत्न थोर जी
नाव ठेवले त्याचे 'शिवाजी'... ॥१॥
जी... जी... रं... जी...
जिजाबाई - शहाजीचा पुत्र
मराठ्यांना आधाराचे छत्र
जिजाऊ सांगे कर्तृत्वाच्या कथा
रचली शूरवीर गौरवाची गाथा... ॥२॥
जी... जी... रं... जी...
रायरेश्वराकडे केली शिवबाने प्रतिज्ञा
दादोजी कोंडदेवांची मानायचा आज्ञा
सोळाव्या वर्षी जिंकूनी तोरणा
मिळाली स्वराज्य निर्मितीची प्रेरणा... ॥३॥
जी... जी... रं... जी...
आगळा - वेगळा भव्य राज्याभिषेक
केला नद्यांच्या जलाचा अभिषेक
मुंडकी वळवली अफजलखानाची
छाटली बोटे शायिस्तेखानाची... ॥४॥
जी... जी... रं... जी...
मित्र मावळे शूर, मराठी सरदार
त्यांच्यासोबत खाल्ली कांदा, भाकर
असा होता छत्रपती शिवाजी
त्याला रयतेची काळजी... ॥५॥
जी... जी... रं... जी...
अनेक किल्ले, दुर्ग जिंकले
स्वराज्याचे स्वप्न सजवले
'हर हर महादेव'ची गर्जना
कानाकोपऱ्यांत पोचली घोषणा... ॥६॥
जी... जी... रं... जी...
प्रयत्नांची करूनी शर्थ
स्वराज्याला मिळवून दिला अर्थ
फडकवले मराठ्यांचे निशाण
राजा शिवराय रयतेचा अभिमान... ॥७॥
जी... जी... रं... जी...
आग्याहून सुटका झाली
सूरत शहराची लूट केली
'राजगड' स्वराज्याची राजधानी
शिवाजी राजा होता अभिमानी... ॥८॥
जी... जी... रं... जी...
चारही दिशांत दुमदुमली किर्ती
छत्रपती शिवाजी आदराची मूर्ती
रायगडावर घेतला अखेरचा श्वास
या मातीला छत्रपतींचा सुवास... ॥९॥
जी... जी... रं... जी...
हिंदवी स्वराज्याला मिळाला आकार
स्वराज्याचे स्वप्न होतसे साकार
शिवाजी रयतेचा राजा महान
शाहीर गातो त्याचे गुणगान..... ॥१०॥
जी... जी... रं... जी...
जी... जी... रं... जी...
No comments:
Post a Comment