निसर्गाचा जागर ( कविता )

अंधश्रद्धेला देऊ मूठमाती

आले नवे तंत्रज्ञान जगात

विज्ञानाची धरून कास

जगूया आधुनिक युगात  //१//     

पाने, फुले, शेती, झाडे

निळाशार अथांग सागर

हिरवळ, पक्षी, प्राणी, जीव

निसर्गाचा करूया जागर  //२//

सुंदर पर्यावरण हेच जीवन

नको कारखान्यांचा धूर

हिरवीगार नटतील शिवारे

दुग्धक्रांतीचा वाहेल पूर  //३//

झाडांना नियमित मिळे पाणी

मिळेल सृष्टीला नवा आकार

हसू, खेळू, नाचू, बागडू

नव्या तंत्रज्ञानाने स्वप्न साकार  //४//

होतील आनंदी येथे सगळेच

भासणार नाही सुखाची उणीव

निसर्गाचा राखू आपण समतोल

नेहमी ठेवू कर्तव्याची जाणीव  //५//