आहे बंधने जातीला
तरी वेश्या माझी जात
वेश्या म्हणूनी जगते
संकटाला देते मात... ||१||
रात्री करूनी ग्राहक
दाह रात्रभर सोसे
दिसे उशीत माझ्या
वेदनेचे हे उसासे... ||२||
आहे रात्रपाळीला मी
सौंदर्याचे मायाजाल
रचे गिर्हाईक जो तो
माझ्या स्वप्नांचा महाल... ||३||
कमवूनी साठवते
पैसा कुटुंबाच्यासाठी
झटे रात्रंदिवस मी
माझ्या या माणसांसाठी... ||४||
'आई' म्हणूनी बिलगे
माझं लहान लेकरू
त्याच्यासाठी डोळ्यांतून
वाहे सुखाचा सागरू... ||५||
No comments:
Post a Comment