महाराष्ट्र भूषण... अभंग रचना मराठी कविता

तुका अभंगाची गाथा । रामदासा पायी माथा ।
चोखामेळा आणि नाथा । ही संतपरंपरा ॥  १


स्वामींचे श्लोक मनाचे । होई कल्याण जनाचे ।
नको सोहळे तनाचे । तो रामदास सांगे ॥  २


द्यावे सर्वांनी वचन । परंपरेचे जतन ।
संत असती रतन | महाराष्ट्र भूषण ॥  ३


जगी हीच असे रीत । आपुलीच व्हावी जीत ।
सर्वांचे साधूया हीत । सकल मनुजांचे ॥  ४


विठ्ठलाची करू भक्ती । विठुराया देई शक्ती ।
विठुनामे मिळे मुक्ती । सर्व पशु-प्राण्यांना ॥  ५


नामस्मरणाची आस । कृष्णभक्ती माझी खास ।
चराचरांत सुवास । चंदन दरवळे ॥  ६


वारकरी चाले पायी। पांडुरंगाच्या रे ठायी ।
पुजूयात बैल, गायी । थोर परंपरेत ॥  ७


आहे महाराष्ट्र थोर । इथले हुशार पोर ।
प्रत्येकाच्या ठायी जोर । विजयी होण्यासाठी ॥  ८


राहिल तोचि रे सुखी । देव नाम ज्याच्या मुखी ।
नसेल कोणीही दुःखी । प्रार्थना करूयात ॥  ९


उजळती लक्ष ज्योती । गुंफू प्रीतीचिये मोती ।
जोडू प्रेमबंध नाती । एकमेकां साथीने ॥  १०


जयजयकार करू । जरी जिंकू किंवा हरू ।
राष्ट्रासाठी आम्ही मरू । हेचि 'उमा' म्हणते ॥  ११