तिचा सहवास... मराठी कविता

अवचित घडले काही
माझा मी न राहिलो
ती काळजात भिडली
मी ही तिचा जाहलो... ||१||


येता ती माझ्या समीप                                

पूर्ण गुंतलो तिच्यात
थोडेच उरले अंतर
तिच्यात नि माझ्यात... ||२||


बोलली असे काही
उडूनी गेले होश
सहवास तिचा घडता
जीवनी झालो मदहोश... ||३||


अंगी ती बिलगता
सुचती ना मला अक्षरे
कोरली समुद्री वाळूवर
आमच्या प्रेमाची प्रेमाक्षरे... ||४||


येता मिलनाची घडी
मनात वाढे हूरहूर
एकांताच्या या क्षणांचा
जीवनी आनंद भरपूर... ||५||


तीच मौल्यवान प्रेम
तीच ह्रदयाचा हुंकार
ओबडधोबड जीवनाला
तिच्यामुळे मिळे आकार... ||६||


बीज आमच्या प्रेमाचा
तिच्या कुशीतून अंकुरला
सोबतीत तिच्या माझा
सुखी संसार फुलला... ||७||