आले हो आले हो, आनंदाचे वर्ष नवे
चला गाऊया गीत खुशीचे सर्वांसवे ॥धृ॥
नवीन वर्षी मुखावर ठेवूया हर्ष
सर्व संकल्प पूर्तीचे जावो नवे वर्ष
नव्या किरणांची नवी पहाट भुलवे ॥१॥
जपून मने एकमेकांना देऊ मान
ठेवू नेहमी आपण वास्तवाचे भान
निळ्या आकाशी पाखरांचे उडती थवे ॥२॥
अन्यायाचे, अंधश्रद्धेचे करू दहन
चांगल्या सवयींचे सदा करू जतन
हे देवा, नव्या वर्षात सुख मला हवे ॥३॥
No comments:
Post a Comment