मना-मनावर कोरलेले ज्याचे नाव
जगात तोच परमपूज्य भिमराव... ॥धृ॥
असा महान लोकशाहीचा शिल्पकार
भारतीय संविधानाचा रचनाकार
दलितांसाठी ठेवला ममतेचा भाव...
॥१॥
काळाराम मंदिराचा सत्याग्रहकर्ता
चवदार तळ्याचा तो आंदोलनकर्ता
ज्याच्यामुळे गजबजले महाड गाव... ॥२॥
देशाच्या उद्धारासाठी झिजवली काया
दीन - दुबळ्यांवर केली अखंड माया
सोसले ज्याने सदैव अन्यायाचे घाव... ॥३॥
No comments:
Post a Comment