लग्नसोहळा... मराठी कविता

जोडूयात आपण नाते
धरती आणि अंबराचे
नकोत वाद कोणतेही
भार कशाला आभाराचे... ||१|| 


जपूयात क्षण अन् क्षण                                      

देऊ सर्वांना स्थान आदराचे
सुखी एकत्र नांदुयात
भार कशाला आभाराचे... ||२||


एकमेकांशी जोडली मने
जगतो जीवन आनंदाचे
सुखी एकत्र नांदुयात
भार कशाला आभाराचे... ||३|| 


रंगला आज लग्नसोहळा
द्या दान आशीर्वादाचे
टाका अक्षता फुलांच्या
भार कशाला आभाराचे... ||४||


सर्व उपस्थित लोकांचे
करू स्वागत आनंदाचे
देऊयात भेट प्रेमाची
भार कशाला आभाराचे... ||५||


पाळला शब्द अन् शब्द
वचन निभावले जीवनाचे
साथ राहावी नेहमीच
भार कशाला आभाराचे... ||६||