तुझ्या आठवणीत आज
तुझी आठवण आल्यावर
शब्दच गोठून जातात...
तुझा चेहरा दिसत राहतो फक्त...
माझ्या मनावर उमटलेला...
तू बोलायचास कसा,
तू हसायचास कसा,
तू माझ्याकडे बघायचास कसा...
या सर्व गोष्टी आठवत राहतात
आठवत राहतं तुझं प्रेम...
जे प्रेम तू माझ्यावर केलं होतं...
ते आपलं प्रेम...
तुला विसरून जायचा प्रयत्न
मी कधीच केला नाही...
कारण, मला माहित आहे की,
ते कधीच शक्य नाही...
ज्यांना आपण विसरूच शकत नाही
त्यांची आठवण तरी कशी काढावी ?
असं तूच म्हणायचास ना...
तू मनातून जातच नाहीस
कित्येकदा असं वाटतं की,
बोलावं तुझ्याशी पण,
धाडस होत नाही...
कसं आणि काय बोलणार तुझ्याशी ?
मग मी माझ्या स्वतःशीच बोलून घेते...
तुझ्यावर प्रेम करावंसं वाटतं तेव्हा मी
माझ्या स्वतःवरच प्रेम करून घेते...
कारण आपण एक आहोत ना...
आपला श्वास एक आहे...
तू म्हणजे मीच आहे ना...
आहे ना...
