तप्त उन्हाने तापली
बघा काळी माती फार
पाणी पडल्यावरच
होई मग थंडगार... [१]
नभी सूर्य ओकतोय
किती जीवघेणी आग
दुष्काळात कशी आता
आम्ही फुलवावी बाग ?... [२]
नद्या साऱ्याच आटल्या
भाग दुष्काळी बनला
पशू, पक्षी, वेली, झाडे
सर्व उत्साह सरला... [३]
पाणी संपले येथले
नाही धरतीला पाणी
कशी गायची रोजच ?
शुष्क, कोरडी विराणी... [४]
पाणी जपून वापरा
करा बचत नेहमी
तर कधी ना होणार
कुणालाच पाणी कमी... [५]
जल म्हणजे जीवन
याचे ठेवू सर्व भान
अपव्यय होऊ नये
याचे नित्य ठेवू ध्यान... [६]
🙏🙏🙏
ReplyDelete