रंग होळीचा... Marathi Kavita... Marathi Poem... Colors... Happy Holi... मराठी कविता... Rang...

वसंतात करू

होलिकादहन

होळीच्या देवीला

करूया नमन..... {१}

गुलाबी, केशरी

पिवळा नि लाल

धुळवड आली

खेळूया गुलाल..... {२}

राधा आणि कृष्ण

जाहलेत दंग

आज खेळण्यास 

या होळीचा रंग..... {३}

खेळतांना रंग

जरा ठेवा भान

इजा न होणार

याचे ठेवा ध्यान..... {४}

आपण साऱ्यांनी

बांधूयात चंग

वापरूया फक्त

नैसर्गिक रंग..... {५}

भरू पिचकारी

उडवूया पाणी

गाऊयात चला

स्नेहभावे गाणी..... {६}

यंदाच्या होळीत

सारे दुःख जाळू

सर्वांच्या स्नेहाने

प्रीतफुले माळू..... {७}