फक्त तुझी साथ हवी
अन्य नको मज काही
जपशील फुलासम
याची हवी मला ग्वाही... [१]
एकांताच्या सांजवेळी
सुंदरशा त्रिभुवनी
खरे झाले स्वप्न माझे
जेव्हा आलास जीवनी... [२]
दोघे एकमेकांसाठी
एक राजा, एक राणी
शुभ्र आसमानावर
चल गाऊ प्रीतगाणी... [३]
येवो कितीही संकटे
करू तयांवर मात
हवी संगत भक्कम
द्यावा तू हातात हात... [४]
संसाराच्या वेलीवर
दोन उमलली फुले
नाव करतील जगी
तुझी-माझी छान मुले... [५]
जरी कोसळे आभाळ
तरी लढावे बेभान
फक्त तुझी साथ हवी
थांबे अघोरी तूफान... [६]
No comments:
Post a Comment