वसंताचे आगमन... Spring... Marathi Poem... Marathi Kavita... मराठी कविता...

निसर्गाचे ऋतूचक्र

एक प्रेमळ वसंत

वसंताचे आगमन

आहे साऱ्यांना पसंत..... {१}

 

असा वसंत फुलला

नटे निसर्ग रंगीत

चला गाऊ सर्वजण

खुशी, आनंदाचे गीत..... {२}

जागे नवी प्रीत मनी

आला हा वसंतोत्सव

झाडे, पानांचा, वेलींचा

जणू नवा जन्मोत्सव..... {३}

रंग वसंताचे दिव्य 

कशी मोहोरली सृष्टी 

रंगारंग पसरला 

मिळे तिला नवी दृष्टी..... {४}

आली बघा धुळवड 

खेळू चला प्रेमरंग

श्याम आणि राधा दोघे

रंग खेळण्यात दंग..... {५}

कधी बेफिकीर राहू

कधी मस्तमौला जगू

रंग वसंताचे छान

नित्य खऱ्यानेच वागू..... {६}