पूजनीय, थोर, महान जिजाऊ माता
जाधवांची शूर लेक, संकटांची त्राता ॥धृ॥बलाढ्य ती सिंहीण, शिवबा तिचा छावा
हाणून पाडला त्याने दुश्मनांचा कावा
सावली देई अनाथा, याचकांची दाता ॥१॥
भक्कम लाल महालाची निर्मिती केली
स्मरणात जिजाऊ, जरी सोडुनी गेली
प्रत्येकीच्या अंगी भिनवावे शौर्य आता ॥२॥
या मुलींनो वारसा तिचा पुढे नेऊया
त्या वीरांगनेला मानवंदना देऊया
धन्य जाहलो आम्ही, तिचे हे गीत गाता ॥३॥
No comments:
Post a Comment