प्रेमाला प्रेम कळू दे
सूर तुझे-माझे जुळू दे..... ॥धृ॥
ओठांवर आल्या भावना
माझ्या समजून घे संवेदना
मला तुझा होकार मिळू दे..... ॥१॥
आता हातात दे हात
होऊ दे प्रीतीची बात
तुझ्या इश्कात मला जळू दे..... ॥२॥
चंद्र आला आकाशावरती
प्रेम लिहूया क्षितिजावरती
श्वासांत श्वास मिसळू दे..... ॥३॥
लाभू दे तुझा सहवास
लागली मला तुझी आस
तुझ्या मिठीत सांज ढळू दे..... ॥४॥
तूच माझे हृदय चोरले
मी मनावर तुझे नाव कोरले
नवी पहाट उजळू दे..... ॥५॥
No comments:
Post a Comment