आठवणीत आहे... मराठी कविता... Aathavanit ahe... Marathi Poem... Marathi Kavita...

आठवणीत आहे, तो चेहरा हासरा

आवडतो सुंदर, तो मुखडा लाजरा ॥धृ॥

 

जीवनात माझिया, वाजू लागे संगीत

रंगहीन आयुष्य, आता झाले रंगीत

श्रावण कोसळला, रिमझिम नाचरा ॥१॥

 

चंचला ती देखणी, तिचे नाजूक मन

भुललो रूपावर, तिला अर्पिले तन

प्रीतीत तिच्यासाठी, मी जाहलो बावरा ॥२॥

 

अंधारल्या त्या रात्री, जात होतो रानात

गूज प्रेमभरले, दिला हातात हात

रोज होई जीवनी, नवा क्षण साजरा ॥३॥