वसुंधरा... मराठी कविता...Earth... Marathi Kavita... Marathi Poem...

वसुंधरा

करूया जतन

वचन देऊ एकमेकांना

सर्व मिळून थांबवू पतन {१}

 

वसुंधरा

पाने, फुले

फळे, झाडे, वेली

फेर धरून नाचती मुले {२}

 

वसुंधरा

माणसाचा हव्यास

सारखी जंगलतोड केल्याने

होई पृथ्वीला खूप त्रास {३}

 

वसुंधरा

समुद्राचे पाणी

नदी, ओहोळ, धबधबा

पक्षी गाती मधुर गाणी {४}

 

वसुंधरा

पावसाने भिजली

झाडे उगवली जमिनीवर

हिरवा शालू नेसून सजली {५}

 

वसुंधरा

उडती पक्षी

थवा पोहोचला आभाळी

आकाशावर दिसते सुंदर नक्षी {६}

 

वसुंधरा

काळी माती

पिके वाढवते जोमाने

जोडूया पृथ्वीशी अतूट नाती {७}