शूर - वीर पुत्र तू
जसा कौसल्येचा राम
त्रिभुवनात दुमदुमावे
बाळा, तुझेच नाम..... १
जो बाळा जो जो रे जो...
कृष्णाने वाचवून गायी
पर्वत गोवर्धन उचलला
त्याच्या एकेक पुण्याईने
अवघा भारत जिंकला..... २
जो बाळा जो जो रे जो...
या भारतमातेसाठी
प्राण वीरांनी वेचियले
स्व - बलिदान देऊन
विजयाचे रणशिंग फुंकिले..... ३
जो बाळा जो जो रे जो...
शिवबा बनून तू
निर्माण कर ठसा
सारे लोक घेतील
बाळा, तुझाच वसा..... ४
जो बाळा जो जो रे जो...
गुणी माझा बाळ
आहे घराण्याची शान
कीर्ती लाभावी तुला
लाभावा मान, सन्मान..... ५
जो बाळा जो जो रे जो...
No comments:
Post a Comment