तांदूळ सुगंधीत छान
त्याचा बनवला मऊ भात
भात घ्यायला ताटात
सरसावतो माझा हात... <१>
पिवळी डाळ तुरीची
छान आणली बाजारातून
तिचे शिजवलेले वरण
भातासवे खावे ओरपून... <२>
सुगरणीने घराच्या सुरेख
ताटाभोवती काढली रांगोळी
रांगोळीत फुले, वेली, पाने
रेखियल्या नक्षीच्या ओळी... <३>
गरम-गरम वरण-भात
त्यावर साजूक तूप
लवकर वाढावा ताटात
मला भूक लागली खूप... <४>
वरण - भाताच्या सोबतीने
दह्याची असावी कोशिंबीर
जेवणाचा बेत खास बनता
मोहरावी अंगी शीर - शीर... <५>
वरण - भाताचे हे भोजन
खातांना मन होते तृप्त
अंग-अंग शरीराचे मग
झोपेमध्ये होत जाते लुप्त... <६>
No comments:
Post a Comment