कोंबड्याची बांग । ऐकुनी उठती ।
प्रभूला स्मरती । गावकरी ॥१॥
करून प्रार्थना । सूर्याचे दर्शन ।
देवाचे पूजन । मनोभावे ॥२॥
पहाट प्रभाते । सड्याचे शिंपण ।
मातीचे लिंपण । दिनक्रम ॥३॥
दिन झाला सुरू । निघे शेतकरी ।
घेवुनी भाकरी । शिवारात ॥४॥
शोध तू माणसा । तुझ्या अंतरात ।
नसे मंदिरात । भगवंत ॥५॥
'ग्रामगीता' सांगे । जीवनाचा सार ।
माणसा उद्धार । अखंडित ॥६॥
'तुकड्याचा' मंत्र । सदा ठेवू ध्यानी ।
आयुष्याची खाणी । ग्रामगीता ॥७॥
करावा विकास । उद्धारुनी गाव ।
कमवावे नाव । जगामध्ये ॥८॥
सुंदर गावाला । 'उमा'चे वंदन ।
जसे ते चंदन । सुगंधित ॥९॥
No comments:
Post a Comment