अंधश्रद्धा निर्मूलन
अरे अरे मूर्खांनो, तुम्ही
नरेंद्र दाभोळकर मारला
असा कसा विज्ञानाला
जीव तुमचा घाबरला ?
या विज्ञानयुगात आपण
घोड्याची नाल पूजतो
समारंभ, रिती-रिवाजाच्या
बेगडी जगात मनसोक्त सजतो
बुवाबाजी, तंत्र-मंत्र, गंडे-दोरे
यांमुळे होत नाही रे मूल
मरणाला कारण ठरते
अंधश्रद्धेची एकच भूल
नको नको रे माणसा
नको भिनवू अंधश्रद्धा मनात
जयजयकार विज्ञानाचा कर
नवीन तंत्रज्ञानाची मिळे साथ
नको आम्हांला जादूटोणा
आता फक्त एकच ध्यास
नाही पाळायची अंधश्रद्धा
विज्ञानाचा होऊ दे विकास
No comments:
Post a Comment