••••••••••••••••••••••••••••••••
जीवनी मोगरा गंधाळला नाही
कोणत्या फुलाचा सुवास दरवळला नाही
तू होतास तेव्हा मी सजत होते
तू गेल्यानंतर मी गजरा माळला नाही
रिक्त होत गेले मी ओंजळी-ओंजळीने
पुन्हा प्रेमझरा पाझरला नाही
तुझ्या हातात हात गुंफायची मजा वेगळी होती
मी अताशा कोणाचा हात पकडला नाही
रसिकता होती माझ्यात भरलेली
आता ती रसिकता राहिली नाही
मित्र-मैत्रिणी होते भरपूर मला
एकटी खोलीत आता बसते मी
मी बीटवर नाचायचे फार पूर्वी
आता कायमची ऑफबीट झाले मी
No comments:
Post a Comment